चाहेजति स्वास भरिरहेका छाैं, बाँचेको प्रमाण हो ।
ज्यूँदैछाैंको भ्रम छरिरहेका छाैं, बाँचेको प्रमाण हो ।।
पाइलै पिच्छे सफलता कहाँ होला उदेश्य बिना खै ?
पलपल सधैं मरिरहेका छाैं, बाँचेको प्रमाण हो ।।
खुसी त्यागेर सुखको खोजीमा भाैतारियाैं जब,
दुःखको भुमरी परिरहेका छाैं, बाँचेको प्रमाण हो ।।
जीवन बाँच्याैं वा बाँचेजस्तो मन्चन भयो थाह छैन ,
बाँचे जस्तो भने गरिरहेका छाैं, बाँचेको प्रमाण हो ।।
