के होला

             

             

                               गजल
थाह छैन खै! तिम्राे र मेरो कुनै नाता हाेला
कुन नजिक हाेला ? समानता या समता होला ।।

मलाइ बारम्बार हिर्काइरहेकाे छ अहिलेसम्म,
भन्नुस, दुस्मन हाेला कि बिधाता हाेला  ।।

युद्ध हुदैछ रे फेरी ! तिमी बिचमा छाै होस गर्नु,
 युद्ध हो कि शाहदत होला कि बेपत्ता हाेला ।।

उसले धेरै बल गरेर बुझाउन खाेज्यो ,
सोच्नुस कि शिक्षक हाेला कि नेता होला ।।

आफू बाहेक सबै संसार कब्जामा छ भन्छ ,
कि ठूलै ब्यापारी हाेला, योद्धा हाेला र बिजेता हाेला ।।

तिमीले बोलेको सुनेर वास्ता गरेन र 'प्रज्वल' ?
के मिलेन ? कि अज्ञानी होला कि ज्ञाता होला ।।