गित

 हरेक स्वासले भन्ने गर्छ यहि हो तिम्रो आयु ।

ब्यार्थै किन खेर फाल्छौ प्राण धान्ने वायु ।।

स्वासलाई स्थिर गरे शान्त होला मन ।

कर्म गर्दै रह्योभने स्वस्थ हुन्छ तन ।।

हाँसीखुसी जीउनुपर्छ एकै बारको जुनि ।

गुणले मार्छ सबैलाई नबने बैगुनि ।।

प्रमाण

 चाहेजति स्वास भरिरहेका छाैं, बाँचेको प्रमाण हो ।

ज्यूँदैछाैंको भ्रम छरिरहेका छाैं, बाँचेको प्रमाण हो ।।

पाइलै पिच्छे सफलता कहाँ होला उदेश्य बिना खै ?

पलपल सधैं मरिरहेका छाैं, बाँचेको प्रमाण हो ।।

खुसी त्यागेर सुखको खोजीमा भाैतारियाैं जब,

दुःखको भुमरी परिरहेका छाैं, बाँचेको प्रमाण हो ।।

जीवन बाँच्याैं वा बाँचेजस्तो मन्चन भयो थाह छैन ,

बाँचे जस्तो भने गरिरहेका छाैं, बाँचेको प्रमाण हो ।।

पाठ

 गल्तिहरू उपदेश हुन, पाठ सिकाइदेलान ।

मूल्यले समर्पण मागेर लागत सिकाइदेलान ।।

एकैसमान प्रकृति कहाँ चल्छ र ? प्रिय !

पिडा चहर्याउलान , घातले सिकाइदेलान ।।

कुन खुटकिलो अन्तिम भरोसा दिने हो के थाह, 

भत्किनेहरूले धैर्यताको तागत सिकाइदेलान ।।

हर कर्मको फल प्रष्फुटित हुुन्छ भन्छन नी !

लुटिएका पसिनाले तागत सिकाइदेलान ।।

आफ्नो कोहि हुन्न रैछ दुःख आइ पर्दा खेरी ।
सुखको संगत चर्किन्छ नि आशुहरु झर्दा खेरी ।।

मुखमा रामराम बगलीमा छुरा भाको यो दुनियाँ
बढ्दा खुट्टा तान्नेहरु,खेदछन पछि सर्दा खेरी ।।

Hudke Naach - Grace International School, Nepalgunj