सुन ! एक पटक सुन
यो देशका शासक हो
एक पटक कुरा त सुन
जनता बोल्दा कान नथुन ।
भोट माग्दा हात जोड्यौं
काम गर भन्दा हात छोड्यौ
कति छिटो नाता जोड्यौं
त्यति छिटो त्यसलाई मोड्यौ ।
सडक हिडन नमिल्ने बन्दैछन
धारामा पानी आउदैन
बिजुली, शिक्षा, स्वास्थ्य हेर त
तिमिलाई लाज लाग्दैन ?
जहिल्यै आफ्नो पेट भर्ने !
भाषण ठूला ठूला गर्ने ?
भनन् जनता कहिलेसम्म मर्ने ?
फेरी पनि तिम्रै भर पर्ने ?
आस देखायौ ठूलाठूला
हरेक ठाउँमा बनायौ दुला
उ कसरी हेर्ला म कसरी हेरुँला
अर्को चुनावमा तिम्रो विचार गरुँला।
ए जनता!
विकासको नाममा त एक बन
तिमीलाई के के चाहिरेको छ भन
यि नेताका गुण एक चोटी सम्झ त !
थुक्न मन लाग्दैन र यिनलाई
सपनाहरु बनाएका रंगिनलाई
एउटै कामको लागि दौडधुप हिडाई
के अझै बाँकि रह्यो र चिनाई ?
भो! कुरा गर्दा गर्दै थाकिन्छ
हेरौ अर्को पल्ट कहाँ राखिन्छ
छट्टै संगठन बनाउन लागिन्छ
देश द्रोही भ्रष्टलाई जेल जाकिन्छ ।
No comments:
Post a Comment