भिड

मलाई हराउने मन लागे 

भिडमा हेलिन्छु 

स्व अस्तित्व मेटाएर 

भिड बन्छु 

यो स्वभाव हो 

जानाजान वा 

अनजानमा 

भिडमा उभिन आउँछु। 

अंश नभई बन्छु पूर्ण 

विर्सेर अस्तित्व सम्पूर्ण ।

रंगसंग खेल्नु आनन्द आउँछ 

जहाँ घोर पाप  गरे पनि 

अपराध गरे पनि 

म भागिदार ठान्दैन 

किन कि 

अस्तित्व मेटेर हुलिएको हु 

भिडमा !

त्यो भिड शक्ति हो भन्छ 

जसले दिन्छ अनेक रङ्ग 

पारेर परिवेश उद्‌ङ्‌ग 

के म स्वयम् हुन्छु मसँग ?

भिड, क्रोध, करुणा, जोश खुसी 

आदि इत्यादिको संगम लाग्छ 

सोहोरेर ल्याइदिन्छ भावहरू 

साच्चै बनाइदिन्छ परिचय

भन्छ - यो तिम्रै स्वरूप हो 

के म भिड हुँला त ?