- भीमप्रज्वल
धुजा धुजा भएकाे पुस्ता
अ-अस्तित्वकाे उदभव
अाफ्नाे अाकार अवसानसंग
बिझाइरहेकाे - जाग्ने प्रण पनि तुहिने
फगत एक फाली
अाफ्नाे याैवन सिध्याएर
धन्य भएकाे छ
पर तृप्तीमा
स्वयमदुतसंग ।
अारनमा खिरिएर
बन्जर भूमि फसलमा फैसला गराउने
रक्तसिंचनले बिज उमारी
भाेक मेटाउन
अाफै मेटिएकाे संसार
उसकाे पुस्ता
अस्तिवत्व ,
हलानाेले याद दिलायाे
के उसमा अाफ्नै चेतना छ ?
सक्छाै पुग्न सङलाे मुहान
अहँ
असम्भव पारिएकाे छ
अाफ्नै रक्तपसिनाले
निलेकाे बर्बरता
एक्लै सवार गर्नु बाहेक
अावाज पनि लिन नमिल्ने
नियति बाेकेकाे
के खाेज्नु र ?
धुमिल इतिहास ?
अन्धकारमा बिलिन
माटाेकाे गन्धसंग
पानीकाे प्रवाहमा
अास्थामा लपेटिएकाे छ
एक अंग बनेर
संस्कार
अवचेतनले धपक्क बालेर बसेकाे छ
जुन अमृत ठानेर पिलाइएकाे थियाे ।
हलाेसंग नाता जाेडेर
हलानाेसंग कार्यएकता
न्यायाेसंग न्याय खाेज्न
अाेगाेसंग अघि बढने
प्रणमा पुगेकाे
हराएकाे अस्तित्व फिर्ता ल्याउन
उद्दत भएकाे छ
एक फाली ।
No comments:
Post a Comment