बाँधिएर जन्जीरहरूमा
स्वसम्झाैता र
समर्पण
नैतिकता र इमान्दारीताकाे
किस्सा काेरेर
कयाैँ झुल्का कुटिल मुस्कान नाच्याे हाेला
नुनिला अाँशुहरूसँग
जब
समर्पणकाे स्वीकाराेक्ती
स्वच्छन्द पर्दापणमा ।
सिमा काेरेर संस्कृतिका
पैतलामा मूल्य ठेलेर
सामुहिकतामा एक्लाे
हैकम
सम्पतिमा बदलेर
लुटिएकाे दृश्य
भयानक!
एक सभ्य संस्कार बनेर
गिज्याइरहेकाे छ
इतिहासका पानामा ।
बगलमा मूर्ति बिसाएर
पुजिदै छाै
बन्द परम्परासंगै
जन्जीरमा बाँधिएकाहरूबाट
व्याख्यान भएकाे छ एकताकाे
भातृत्वकाे, समताकाे
मानवताकाे
अस्तित्वकाे
सास फुकेर
उल्टाउने छ ।
No comments:
Post a Comment