आउन त आउनाछन झोला बोकिकन
साउँ अक्षरै फुट्दैन पढ्न रोकिकन ।।
दश कक्षा पुग्यौं बाह्र पुग्यौं भन्दाछन
आधारै नाई क्या सिकाउँ टोक्या टोकीकन ।।
सोध्यो भन्या, उठायो भन्या ननिको मान्ना
क्या भनु था केइ भन्ना झोकि झोकिकन ।।
कैथो सिकाउँ कैथो पढाउँ उपाय नाई
समिक्षा कैथो गरन्ना घोकी घोकिकन ।।
पढ्दिनु, लेख्दिनु पड्डो, पास गर्नु पड्डो
क्या टिट्याउना छौ नभन्या तोकि तोकिकन ।।
तुमी भन्ना मास्टर पुराना भयौ नापा फेरियौ
क्यान मास्टरै हिडनु पर्न्या सप्पै भार बोकिकन ।।
No comments:
Post a Comment