पहिचानको डाँडो
आधार र आवासको आभा
उघारेर लेक बेसी
पृथ्वीको फन्को बनेको।
फोक्सोमा जडित
नागवेली बाटो उक्लन्छ
चिहानमाधि परसम्म -
गर्व गर्ने अज्ञान परिवेश !
एक रूपमा विकाश ?
अज्ञात भू-स्वरूप
ज्ञान शुन्य बैभवको
विनासमा गर्व ?
अस्तित्व रक्षा तिरस्कार !
पञ्चक्लेशको घडा लिई
मौलिक बन्ने चेष्टा -
धिक्कार छ !
जीवन फूल्ने पर्यामा
विनासको बिउ छर्दै
बाँचेकोमा हर्षबढाइँ
निरर्थक लाग्दैन ?
No comments:
Post a Comment