आउ ध्यान खेलौ

कोहि आँखा नचिम्लिएर आँखा चिम्लिनु 

कैद गर्नु क्यामेराका दिलहरूमा, 

दिमागहरूमा  

र्याम्पमा हिँडाउनु साधकहरू 

पुष्प वृष्टि गर्नु आशनमा 

जयजयकार गुञ्जियोस

थाह पाओस लोकले 

उच्चारित होओस प्रणव ध्वनी  

गुन्जियोस र व्याप्त बनोस 

ओइरिउन दर्शकहरू 

भनुन अहो खेल  

आउ हामी पनि खेलौं

एउटा ध्यान खेलौ ।

लागुन ठूलाठू‌ला व्यानर बजारमा 

होर्डिङ बोडमा मुस्कुराउन आकृति 

विकास गराइ‌योस विद्वताको 

सिप, ज्ञान, अभिवृत्ति, व्यवहारमा

 मात्र नविकुन पत्रका चाङ

विदूताको टाँचा लगाउदै 

देखाउन पाइयोस उदाहरण

हाम्रा चौकोशहरूमा पनि 

अभ्यास भइरहन्छ

खेली रहन्छौ हामी

ध्यानका खेल 

आउ अब हामी ध्यान खेलौ ।

तिमिले ध्यान खेलेर के पाउँछौ 

प्रमाणपत्र हामी छापिदिन्छौ 

सरकारसंगको आग्रह  

हामी प्रमाणपत्रका पसन थापेर बसेका हौ

हाम्रो रोजिरोटी चलाइदेउ

बरु तिमिलाई कति गह्रुँगो पारौं

वा तैरिन सक्ने मात्र 

कि भरौं अखबारका पन्ना पन्ना 

पुष्प गुच्छा लिएर त्यहि लाम नलागोस 

बरु बाटो देखाइदेउ भनोस 

सकभर सँगै खेलौ हामी 

नभए

आउ धित मरुन्जेल खेल 

ध्यानका खेलहरु । 

बनेर आउ आवरण निपूर्ण 

नैतिक कथामा पनि उदाउनु

अनुकरणको खेलमा ! 

सधै जित्नु - सत्य कहलिएर । 

तिमी आउ 

म आउँछु

उस‌लाई बोलाउँ 

खेलौं ध्यान हामी पनि 

आउ अब त ध्यान खेलौ ।