साथी - खुसी बाँड्नु छ
अनेकों समस्यामा साथ उभिन सक्छन
तर घेरा कत्रो छ?
कुन घेरामा नजर लगाउनु
खोलेर आँखाका कुनाकन्तराहरू
वा बन्द गरेर मूलद्वार
वा बन्द गरेर मलद्वार
उड्यायन र आलन्दर
कुन आँखा चम्किएलान
र उभ्याइ देलान कित्ता कित्तामा साथीहरू।
कर्मले बोक्ने अवयव
प्रशंशाका पात्रहरू
पवित्र हृदय भरिएका
वा खाली हृदय बोकेर
भरिन आइपुगेका
कसलाई कुन कित्तामा राखौं ?
यो दोधारबाट कसले बगाइदेला मूलधारमा !
मूलधारको बाटो त शत्रुले छेख्छ
कहाँ कहाँ खोजौं
हर पाइला पाइलामा शत्रु बास गर्छन
हतियारमा थाप्छन्
ढाल बनाउछन्
प्रहार गर्न तम्स्याउछन्
आफ्नै बललाई आफ्नै विवशताले !
ठूलो शक्ति
ठूलो मित्रमा रूपान्तर गर्नु छ
तर
त्यो ठूलो शत्रु भएर बस्न खोज्छ
के यो संसार
शक्ति कमजोरीमा बदल्न तल्लिन छ ?
नाग बनाएर ?
विष सेवन गराएर ?
No comments:
Post a Comment