छात्रबास

बाआमाको सहमतिमा
 नाईनास्ती गरेन छोराले
बुझ्यो घरमा कोहि नभएको
बा आमाको कामको चाप
अध्यायन‌मा पर्न सक्ने प्रभाव
नेप्से जस्तै अंकगणित
बनेर इमान्दार छोरा
तयार भएको हो मुटुमा गाँठो पारेर
भरेर गह‌भरि आँशु
कोचेको थियो झोलामा आवश्यक र प्रिय वस्तु
चिम्म पारेका आँखा खोल्दा
पाए‌को थियो आफूलाई एक छात्रावास‌मा ।

दशक पूरा भएपनि फर्किन नपाए‌पछि
मरेकाहुन फर्किने चाहना
स्वीकारेको हो त्यो परिवेश
यसैलाई आधार बनाएर ज्यूनुछ।
प्रवेश गरेर संसारमा
भित्र्याएपछि दुलही
फिरेको हो बर्षमा एक पटक मात्र
उसले घर बनायो
परिवार ब‌नायो
आमाले संसार छोडिन
बा बुढो हुन थाले
भन्यो- हामीलाई समय हुदैन बा ।

एक्लै विरक्त लाग्ला
हजुरलाई साथी
औषधोपचार सबै गर्ने
भेटेको छु - एउटा छात्रवास
मलाई अनुभव पनि छ
हजुरले अनुभव गर्नुहोस ।
हालेर बाको समान गाडिमा
हुइँकिए वृद्धाश्रम
मिल्लाएर प्रबन्ध
फर्किनै लाग्दा बाले गहभरी आँशु भेलापारे
छोरो तसँग बस्न नपाएरै
परलोल भएकी तिम्रो आमा
उसको तस्बिर ल्याइदिनु ।